گل پلازہ تک فاصلہ، تعمیراتی کام اور ٹریفک جام سے آگ کنٹرول میں مشکلات ہوئیں، سی ای او واٹر کارپوریشن

کراچی (پی ایم این ) سانحہ گل پلازہ  کی جوڈیشل انکوائری میں سی ای او واٹرکارپوریشن احمد علی صدیقی نے کمیشن کے سوالنامے کا جواب جمع کروادیا۔

احمد علی صدیقی نے اپنے جواب میں کہا ہےکہ گل پلازہ میں آتشزدگی کے بعد آپریشن میں 7 قانونی ہائیڈرنٹس سے پانی دیا گیا۔

سی ای او واٹر کارپوریشن کی رپورٹ کےمطابق فوکل پرسن واٹرکارپوریشن کو گل پلازہ آگ کی اطلاع 11 بج کر 13 منٹ پر ملی، اطلاع ملتے ہی ہائیڈرنٹس پر ایمرجنسی نافذ کرتے ہوئے واٹر باؤزر روانہ کیے،  ابتدائی طور پر نیپا، صفورا اور سخی حسن ہائیڈرنٹس سے باؤزر روانہ کیے گئے جب کہ  آگ کی شدت میں اضافے کے بعد دیگر ہائیڈرنٹس سے بھی باؤزر طلب کیے گئے۔