آئی سی سی کی سلمان علی آغا کیخلاف کارروائی
مرزا اکرام بیگ/پی ایم این
آئی سی سی نے بنگلادیش کے خلاف دوسرے ون ڈے میں متنازع رن آؤٹ کے بعد ردعمل پر پاکستانی بیٹر سلمان علی آغا کو ایک ڈی میرٹ پوائنٹ دے دیا۔
آئی سی سی کے مطابق سلمان علی آغا آئی سی سی کوڈ آف کنڈکٹ کے لیول ون کی خلاف ورزی کے مرتکب پائے گئے۔
آئی سی سی کا کہنا ہے کہ سلمان علی آغا نے بنگلا دیش کے خلاف دوسرے ایک روزہ میچ میں آرٹیکل 2.2 کی خلاف ورزی کی۔
آرٹیکل 2.2 انٹرنیشنل میچ کے دوران کرکٹ کے سامان، کپڑوں یا گراؤنڈ کے آلات کے ساتھ نامناسب رویے سے متعلق ہے۔
آئی سی سی کا کہنا ہے کہ سلمان علی آغا نے اپنی غلطی کا اعتراف کر لیا۔