صدر،وزیرِاعظم کی مجتبیٰ خامنہ ای کو رہبراعلیٰ کی ذمہ داریاں سنبھالنے پرمبارکباد
صدر،وزیرِاعظم کی مجتبیٰ خامنہ ای کو رہبراعلیٰ کی ذمہ داریاں سنبھالنے پرمبارکباد
March 11, 2026
اسلام آباد(پی ایم این):صدر آصف علی زرداری اور وزیرِاعظم شہباز شریف نے مجتبی خامنہ ای کو ایران کے رہبراعلیٰ کی ذمہ داریاں سنبھالنے پر مبارکباد دی ہے۔
وزیراعظم شہباز شریف نے مجتبیٰ خامنہ ای کے نام ایک خط میں انہیں ایران کے رہبراعلیٰ کی ذمہ داریاں سنبھالنے پر مبارکباد دی ہے۔
اپنے پیغام میں وزیرِاعظم نے مجتبیٰ خامنہ ای کے معزز والد اور ایران کے رہبراعلیٰ آیت اللہ سیدعلی خامنہ ای کی شہادت پر تعزیت کا بھی اظہار کیا۔
وزیرِاعظم نے اس عزم کا اعادہ کیا کہ پاکستان دونوں برادر ممالک کے عوام کے مفاد میں باہمی دلچسپی کے تمام شعبوں میں دوطرفہ تعاون کو مزید مضبوط بنانے کیلئے ایران کے ساتھ قریبی اشتراک جاری رکھے گا۔
صدر آصف علی زرداری نے ایران کے رہبراعلیٰ کے طور پر انتخاب اور تقرری کے بعد آیت اللہ سید مجتبیٰ حسینی خامنہ ای کیلئے اپنی نیک تمنائوں کا اظہار کیا ہے۔
ایک بیان میں آصف علی زرداری نے کہا کہ خطے کو اس وقت شدید کشیدگی اور تنازعات کا سامنا ہے۔
انہوں نے امید ظاہر کی کہ صورتحال میں استحکام آئے گا اور خطے کے عوام کیلئے حالات بہترہوںگے۔