وزیر اعلیٰ پنجاب کا شدید معاشی مسائل سے نمٹنے کیلئے غیر معمولی اقدامات کا اعلان

وزیر اعلیٰ پنجاب کا شدید معاشی مسائل سے نمٹنے کیلئے غیر معمولی اقدامات کا اعلان

March 09, 2026

فائل فوٹو

لاہور(پی ایم این):وزیر اعلیٰ پنجاب مریم نواز شریف نے جاری علاقائی تنازع سے پیدا ہونے والے شدید معاشی مسائل سے نمٹنے کیلئے غیر معمولی اقدامات کا اعلان کیا ہے۔

ان کی ہدایت کے تحت اسکول، کالج اور یونیورسٹیاں کل سے اس مہینے کی اکتیس تاریخ تک بند رہیں گی جبکہ امتحانات شیڈول کے مطابق جاری رہیں گے۔

تعلیمی اداروں کو اس عرصے کے دوران آن لائن کلاسز منعقد کرنے کی اجازت ہے۔

سرکاری دفاتر میں، گھر سے کام کرنے کی پالیسی متعارف کرائی گئی ہے، جس میں ذاتی طور پر حاضر ہونے کیلئے صرف ضروری عملے کی ضرورت ہے۔

پٹرولیم بحران حل ہونے تک صوبائی وزرا کو سرکاری سطح پر پٹرول نہیں دیاجائے گا۔

سرکاری اہلکاروں کی گاڑیوں کے پیٹرول اور ڈیزل الاؤنسز میں بھی پچاس فیصد فوری کمی کی گئی ہے۔