وزیراعظم کی شہریوں کو سہولیات کی فراہمی کیلئے تمام بلز پر کیوآر کوڈ فراہم کرنے کی ہدایت
وزیراعظم کی شہریوں کو سہولیات کی فراہمی کیلئے تمام بلز پر کیوآر کوڈ فراہم کرنے کی ہدایت
March 03, 2026
اسلام آباد(پی ایم این)وزیراعظم محمد شہباز شریف نے تمام سرکاری محکموں کو ہدایت کی ہے کہ شہریوں کو سہولیات کی فراہمی کیلئے تمام بلز پر کیوآر کوڈ فراہم کئے جائیں۔
انہوں نے یہ ہدایت اسلام آباد میں Cash Less معیشت کے فروغ کے حوالے سے جائزہ اجلاس سے خطاب کرتے ہوئے کی۔
وزیر اعظم نے کہا کہ ڈیجیٹل ادائیگیوں کے نظام کے اہداف کا معینہ مدت میں حصول یقینی بنایا جائے۔
انہوں نے وفاقی اور صوبائی حکومتوں کی جانب سے تنخواہوں، پینشنز اورپرچون کے شعبے میں ادائیگیاں "راست” کے ڈیجیٹل ادائیگی کے نظام پر منتقل کرنے پر معاشی ٹیم اور اسٹیٹ بینک کو سراہا۔
وزیراعظم نے گزشتہ سال جولائی سے رواں سال جنوری تک وفاقی اور صوبائی حکومتوں کی جانب سے راست کے ذریعے دس کھرب روپے سے زائد براہ راست ادائیگیوں پر وزارت خزانہ کی ٹیم کی تعریف کی۔
انہوں نے وزیراعظم رمضان ریلیف پیکیج کے تحت اب تک اکہترفیصد مستحق افراد تک امدادی رقوم کی فراہمی پر بے نظیر انکم سپورٹ پروگرام کی ٹیم کو بھی سراہا۔
اجلاس کو بتایا گیا کہ ڈیجیٹل بنکاری سے مستفید ہونے والے افراد کی تعداد بارہ کروڑ سترلاکھ سے تجاوز کر چکی ہے۔
.جلاس کے شرکاء کو ڈیجیٹل ادائیگیوں کے نظام کے حوالے سے ڈیش بورڈ پر بریفنگ بھی دی گئی