وزیراعظم محمد شہباز شریف کی افغان طالبان رجیم کے سرحدی علاقوں میں حملوں کو پسپا اور بھرپور جوابی کارروائی کرنے پر افواج پاکستان کی پیشہ وارانہ صلاحیتوں کی تعریف
راولپنڈی۔27فروری (PNM):وزیرِ اعظم محمد شہباز شریف نے افغان طالبان رجیم کے سرحدی علاقوں میں حملوں کو پسپا اور بھرپور جوابی کارروائی کرنے پر افواج پاکستان کی پیشہ وارانہ صلاحیتوں کو سراہتے ہوئے کہا ہے کہ افغان طالبان رجیم اور فتنہ الخوارج کی پاکستان کے خلاف کارروائیاں ناقابل قبول ہیں، اس حوالے سے زیرو ٹالرنس کی پالیسی اپنائی جائے۔ ان خیالات کا اظہار انہوں نے جنرل ہیڈ کوارٹرز (جی ایچ کیو)کے دورے کے دوران گفتگو کرتے ہوئے کیا۔ وزیر اعظم آفس کے میڈیا ونگ کی طرف سے جمعہ کو جاری بیان کے مطابق دورے کے دوران عسکری قیادت نے وزیراعظم کو افغانستان کی صورتحال پرمفصل بریفنگ دی۔
وزیراعظم نے اس موقع پر گفتگو کرتے ہوئے ہدایت کی کہ فتنہ الخوارج اور افغان طالبان رجیم کے گٹھ جوڑ اور شر پسند کارروائیوں کے خلاف زیرو ٹالرنس اپنائی جائے۔ وزیراعظم نے واضح کیا کہ افغان طالبان رجیم اور فتنہ الخوارج کی پاکستان کے خلاف کارروائیاں ناقابل قبول ہیں۔ چیف آف آرمی سٹاف اور چیف آف ڈیفنس فورسز فیلڈ مارشل سید عاصم منیر کی قیادت میں افواج پاکستان ملک کی حفاظت کیلئے ہر دم تیار ہیں۔ وزیراعظم نے کہا کہ پاکستان کسی بھی جارحیت کے خلاف اپنا دفاع کرنا بخوبی جانتا ہے۔
انہوں نے افغان طالبان رجیم کے سرحدی علاقوں میں حملوں کو پسپا کرنے پر اور بھرپور جوابی کارروائی کرنے پر افواج پاکستان کی پیشہ وارانہ صلاحیتوں کو سراہتے ہوئے کہا کہ پوری قوم ارض وطن کی حفاظت کیلئے اپنی افواج پاکستان کے شانہ بشانہ کھڑی