سکیورٹی فورسز کی دو مختلف کارروائیاں،13 دہشتگرد ہلاک، 2 اہم کمانڈر مارے گئے
لکی مروت (پی ایم این ) سکیورٹی فورسز کے ڈیرہ اسماعیل خان اور لکی مروت کے علاقہ پہاڑ خیل پکہ میں کامیاب آپریشن، 13 دہشت گرد ہلاک، 2 اہم کمانڈر بھی مارے گئے۔
سی ٹی ڈی کے مطابق لکی مروت پہاڑ خیل پکہ سیکیورٹی فورسز نے انٹیلی جنس معلومات پر بروقت اور قابلِ اعتماد اطلاعات کی بنیاد پر کارروائی کی ، کارروائی کے نتیجے میں دہشت گردوں کو بھاری جانی نقصان اٹھانا پڑا۔
سب ڈویژن بیٹنی میں موجود 20 سے 30 دہشت گرد چھوٹے گروپوں کی صورت میں پہاڑ خیل کی طرف نقل و حرکت کر رہے تھے، انٹیلی جنس معلومات کی بنیاد پر پولیس اور سکیورٹی فورسز نے صبح 07:30 بجے بھرپور جوابی کارروائی کا آغاز کیا۔
سی ٹی ڈی کے مطابق دہشت گردوں کے ٹھکانوں پر موثر گولہ باری اور فائرنگ کی، ہلاک 10 دہشت گردوں میں ٹیپو گل گروپ کے 2 اہم کمانڈرز، کمانڈر نیاز علی المعروف اکاشا اور کمانڈر عبداللہ المعروف شپونکوئی شامل ہیں۔