۔53کروڑ کے فراڈ کیس کا حتمی چالان جمع، نادیہ کے شوہر عاطف خان سمیت 6 افراد ملزمان قرار
کراچی (پی ایم این ) ایف آئی اے کارپوریٹ کرائم سرکل نے نجی کمپنی سے 53 کروڑ کے فراڈ کے مقدمے کا حتمی چالان پیش کردیا۔
کراچی کی ڈسٹرکٹ اینڈ سیشن کورٹ جنوبی کی عدالت میں نجی کمپنی سے 53 کروڑ روپے سے زائدکے فراڈ کیس کی سماعت ہوئی جس دوران ایف آئی اے کارپوریٹ کرائم سرکل نے مقدمے کا حتمی چالان پیش کیا۔
ایف آئی اے کے حتمی چالان میں اداکارہ نادیہ حسین کا نام ملزمان کی فہرست میں شامل نہیں ہے۔
چالان میں نادیہ حسین کے شوہر عاطف خان سمیت 6 افراد ملزمان قرار دیے گئے ہیں جب کہ چالان میں کہا گیا ہےکہ ملزمان پرجعلسازی، خیانت اور فراڈ کے الزامات ثابت ہوئے ہیں۔