یورپی یونین اور پاکستان کے درمیان 2 کروڑ یورو کے گرانٹ معاہدے پر دستخط
اسلام آبا(پی ایم این)یورپی یونین اور پاکستان نے بہتر طرزِ حکمرانی اور کاروباری ماحول” کے عنوان سے پروگرام شروع کر نے کے لئے2 کروڑ یورو کے گرانٹ معاہدے پر دستخط کیے ہیں۔
معاہدے پر یورپی یونین کی سفیر ڈاکٹر رینا کیونکا اور سیکرٹری اقتصادی امور ڈویژن ڈاکٹر کاظم نیاز نے آج اسلام آباد میں دستخط کیے۔اس اقدام کا مقصد پاکستان کے نجی شعبے، بالخصوص چھوٹے اور درمیانے درجے کے کاروبار جن میں خواتین کی زیر قیادت یا خواتین کو فائدہ پہنچانے والے کاروبار شامل ہیں اور ان کی صلاحیت میں اضافہ کرنا ہے۔
منصوبے کے تحت ایس ایم ایز سے متعلق قانون سازی کو مضبوط کیا جائے گا، برآمدات پر مبنی صنعتوں کو گرین اکانومی کی طرف منتقل کرنے میں مدد دی جائے گی، سرمایہ کاری کو فروغ دیا جائے گا، اور نجی و سرکاری شعبے کے درمیان مکالمے کو فروغ دیا جائے گا۔