وزیراعظم دو روزہ اقتصادی تعاون تنظیم کے سربراہ اجلاس میں شرکت کرینگے
اسلام آبا(پی ایم این) وزیراعظم محمد شہبازشریف کل سے آذربائیجان کے شہر باکو میں شروع ہونے والے اقتصادی تعاون تنظیم کے سترھویں دو روزہ سربراہ اجلاس میں شرکت کریںگے۔
اجلاس کا موضوع ہے ”پائیدار اور موسمیاتی تبدیلیوں سے ہم آہنگ مستقبل کیلئے اقتصادی تعاون تنظیم کا نیا وژن ،، ۔
وزیراعظم سربراہ اجلاس کے دوران پاکستانی وفد کی قیادت کریںگے اور اہم علاقائی اور عالمی چیلنجز پر پاکستان کا نقطہ نظر پیش کریںگے۔
محمد شہبازشریف ای سی او ویژن 2025 کے حوالے سے پاکستان کے عزم کا اعادہ کریں گے اور بین العلاقائی تجارت، ٹرانسپورٹ روابط، توانائی تعاون اور پائیدار ترقی کے فروغ پر زوردیں گے ۔
شہبازشریف اجلاس کے موقع پر اقتصادی تعاون تنظیم کے دیگر رہنمائوں سے دوطرفہ ملاقاتیں بھی کرینگے جن میں باہمی دلچسپی کے امور پر تبادلہ خیال کیاجائے گا۔