سپیکر قومی اسمبلی کی نیب کی کارکردگی کی تعریف
اسلام آباد(پی ایم این)قومی اسمبلی کے سپیکر سردار ایاز صادق نے قومی ادارہ احتساب کی کارکردگی کی تعریف کی ہے۔
انہوں نے یہ بات پارلیمنٹ ہائوس اسلام آباد میں چیئرمین نیب نذیر احمد بٹ سے ملاقات میں کہی۔
سپیکر قومی اسمبلی نے کفایت شعاری اقدامات اور مصنوعی ذہانت پر مبنی ڈیجیٹلائزیشن کے ذریعے نیب کی مکمل تشکیل نو پر بھی اطمینان کا اظہار کیا۔
سردار ایاز صادق نے نیب کی طرف سے شکایات کے ازالے میں سہولت ادارے کو مکمل طور پر خود کار بنانے اور اس کی اپ گریڈیشن کیلئے کئے گئے اقدامات کو سراہا۔
انہوں نے نیب کو کاروبار دوست ادارہ بنانے کیلئے تمام صوبوں میں خصوصی احتساب سہولت ڈیسک کے قیام کی بھی تعریف کی۔
اس موقع پر ادارے کے چیئرمین نے نیب کو ایک مثالی ادارہ بنانے کے عزم کا اظہار کیا۔