بھارت کی سندھ طاس معاہدے کی معطلی عالمی قوانین کی خلاف ورزی ہے،پاکستان

اسلام آباد(پی ایم این) بھارتی وزیر داخلہ کے بیان کہ سندھ طاس معاہدہ اب کبھی بحال نہیں ہوگا پر میڈیا کو جواب دیتے ہوئے ترجمان دفتر خارجہ نے کہا کہ یہ بیان عالمی معاہدے کے تقدس کو ڈھٹائی سے پامال کرنے کا عکاس ہ

انہوں نے کہا کہ سندھ طاس معاہدہ کوئی سیاسی مسئلہ نہیںبلکہ یہ ایک عالمی معاہدہ ہے جو اس طرح کے یکطرفہ اقدام سے معطل نہیں ہوگا۔

انہوں نے مزید کہا کہ یہ رویہ غیر ذمہ دارانہ اور خطرناک مثال ہے جس سے عالمی معاہدے کی ساکھ مجروح ہوتی ہے اور اس ریاست کے قابل بھروسہ ہونے سے متعلق سنگین سوال اٹھتے ہیں جو کہ اپنی قانونی ذمہ داریوں کی کھلے عام نفی کرتی ہو۔ترجمان نے کہا کہ پانی کو بطور سیاسی ہتھیار استعمال کرنا انتہائی غیرذمہ داری ہے اور ایک ذمہ دار ریاست کے برعکس روئیے کا اظہار ہے۔انہوں نے کہا کہ بھارت کا معاہدہ کو فوری منسوخ کرنا یکطرفہ اور غیر قانونی مؤّقف ہے وہ سندھ طاس معاہدے کو فوری بحال اور بلاروک ٹوک اس پر عمل کرے۔پاکستان اس معاہدے پر عملدرآمد کیلئے پرعزم ہے اور قانونی حقوق کے تحفظ اور اسے برقرار رکھنے کیلئے تمام ضروری اقدامات اٹھائے گا۔