لاہور : ممبر پاکستان بار کونسل احسن بھون نے کہا ہے کہ بعض وکلاء نے 2007 کی تحریک کامیاب ہونے کے بعد اس کا ناجائز فائدہ اٹھایا۔
لاہور میں عاصمہ جہانگیر کانفرنس میں اظہار خیال کرتے ہوئے احسن بھون نے کہا کہ سیاسی جماعتیں وکلاء کیساتھ تحریک چلاتی ہیں اور نتائج ملنے کے بعد بارز کو ان کے حال پر چھوڑ دیتے ہیں۔ ہمیں یہ یاد رکھنا چاہیے کہ بار کوئی سیاسی جماعت نہیں ہے، ہماری اپنی شناخت ہے۔
’’جنگ ‘‘ کے مطابق احسن بھون نے کہا بعض وکلاء بار کے مقاصد پیچھے چھوڑ دیتے ہیں، 26 ویں ترمیم پر آج تنقید ہوتی ہے اس پر تمام سیاسی جماعتیں راضی تھیں۔ ہمیں وہ سپریم کورٹ نہیں چاہیے جو نظریۂ ضرورت کے تحت فیصلہ دے، ہمیں وہ عدالت چاہیے جو آئین کے مطابق فیصلہ دے۔