کراچی(پی ایم این/ویب ڈیسک)اینٹی کرپشن سندھ نےبی آرٹی کے پراجیکٹ ڈائریکٹرضمیر عباسی کی گرفتاری ظاہر کر دی۔ یلو لائن کرپشن کیس میں سابق پراجیکٹ ڈائریکٹر ضمیر عباسی لاہور سے گرفتار کیے گئے۔
چیئرمین اینٹی کرپشن سندھ کا کہنا ہے کہ گرفتار پراجیکٹ ڈائریکٹر ضمیر عباسی کو کراچی منتقل کر دیا گیا اور ان کے خلاف قانونی کارروائی کراچی میں ہو گی۔
ضمیر عباسی کے والد نے لاہور میں اپنے بیٹے کی گمشدگی کا مقدمہ درج کرایا۔ والد نے مقدمے میں مؤقف اپنایا کہ ضمیر عباسی کو 12جون کو اغوا کیا گیا۔
بی آر ٹی پروجیکٹ کراچی کے ڈائریکٹر ضمیرعباسی کے لاہور سے پراسرار گمشدگی کے معاملے پر والد نے اہم انکشافات کئے اور بتایا کہ مسلح افراد نے اسلحے کے زور پر بیٹے کو زبردستی اٹھایا اور اپنے ساتھ گاڑیوں میں ڈال کر اغوا کر کے لے گئے۔
تفصیلات کے مطابق کراچی بی آر ٹی پروجیکٹ کے ڈائریکٹر اور سینیئر افسر ضمیر عباسی کی لاہور سے پراسرار گمشدگی کا معاملہ سامنے آیا ہے، جس کا باقاعدہ مقدمہ اغوا کی دفعات کے تحت لاہور کے تھانہ ڈیفنس سی میں درج کر لیا گیا ہے۔
یہ مقدمہ مغوی افسر کے والد محمد پناہ ولد بادل خان کی مدعیت میں درج کیا گیا ہے۔
فائل فوٹو 