لاہور(پی ایم این/ویب ڈیسک)امریکانے ایرانی تیل کی فروخت پرپابندی عارضی طورپراٹھاتےہوئےایران کوجنرل لائسنس جاری کرتے ہوئے خام تیل اور پیٹروکیمیکل مصنوعات کی ترسیل کی اجازت دیدی۔
امریکی وزیرخزانہ نے سوشل میڈیا پر جاری پیغام میں کہا کہ ایرانی تیل اور پیٹروکیمیکل پابندیاں عارضی طور پر اٹھا رہے ہیں، پابندیوں میں عارضی ریلیف کا فیصلہ سوئٹزرلینڈ میں مذاکرات کے بعد کیا۔
امریکی محکمہ خزانہ کے مطابق لائسنس ایرانی خام تیل اورپیٹروکیمیکل مصنوعات کی پیداوار اور ترسیل کی اجازت دیتا ہے، لائسنس کے تحت ایران کو خام تیل کی ترسیل اور فروخت کی اجازت 21 اگست 2026 تک ہوگی۔
امریکی محکمہ خزانہ کے مطابق لائسنس کے تحت ایرانی خام تیل، پیٹروکیمیکل اور پیٹرولیم مصنوعات کی امریکا میں درآمد کی اجازت بھی ہوگی۔
یاد رہےکہ امریکا نے ایرانی تیل کی فروخت پر پابندی عائدکر رکھی تھی۔
فائل فوٹو 