ممبئی(پی ایم این/ویب ڈیسک)بھارت کی سینئر اداکارہ سہاسنی مولے نے 75 برس کی عمر میں شادی کر نے کی دلچسپ داستان بیان کرتے ہوئے مداحوں کو حیران کر دیا۔
بھارتی میڈیا کے مطابق ‘سہاسنی مولے’ وہ اداکارہ ہیں جنہوں نے 6 دہائیوں تک غیر شادی شدہ رہنے کے بعد رشتہ ازدواج قائم کرنے کا سوچا۔اداکارہ نے ایک حالیہ انٹرویو میں 60 سال تک شادی نہ کرنے کی وجہ یہ بتائی کہ انہیں کوئی مناسب شخص نہیں ملا، اب ان کے شوہر ایک جانے مانے سائنٹسٹ ہیں جن کی ان سے شادی 75 دن کے اندر ہوگئی تھی۔
سہاسنی نے بتایاکہ انہوں نے فیس بک پر آئی ڈی اس غرض سے بنائی کہ انہیں ان کی دوست نے مشورہ دیا تھا کہ اس سے کام آسانی سے ملے گا، ایک دن یوں ہی براؤز کرتے ہوئے ایک شخص ‘اتُول’ (موجودہ شوہر) کی آئی ڈی سامنے آئی جس نے ان کی توجہ اپنی جانب مبذول کروالی۔سینئر اداکارہ کے مطابق انہیں اتُول کی آئی ڈی کافی دلچسپ لگی ، اداکارہ نے انہیں میسج کردیا جس کے بعد ہلکی پھلکی بات چیت کا آغاز ہوگیا۔
اداکارہ کے مطابق دونوں نے ایک دوسرے کی ای میلز لیں اور اتوُل نے بتایا کہ وہ جیون ساتھی کی تلاش میں ہیں، انہوں نے کبھی مجھے براہِ راست شادی کے لیے پروپوز نہیں کیا، بلکہ ہمیشہ اشاروں میں ہی بات کی، یوں اتُول کے ساتھ اچھی دوستی ہونے کے بعد ہم نے شادی کا فیصلہ کیا اور جان پہچان کے 75 دن میں ہی ہم نے شادی کرلی۔