نوشہرہ(پی ایم این)جنوبی وزیرستان میں سربازار دو نوجوان قتل کر دیئے گئَے، جبکہ فائرنگ کے اس واقعہ میں راہگیر زخمی ہو گیا، یہ واقعہ جنوبی وزیرستان کے کڑیکوٹ بازار میں رونما ہوا ہے۔
پولیس ذرائع کے مطابق نامعلوم افراد نے فائرنگ کر کے ملک جمیل وزیر کے دو بیٹے قتل کر دیئے جبکہ اس دوران ایک راہگیر زخمی ہوا ہے، مقتولین کی شناخت معین الدین اور نوید کے ناموں سے ہوئی۔
پولیس نے بتایا ہے کہ نعشیں اور زخمی کو ہسپتال منتقل کر دیا گیا، اس سے پہلے بھی ملک جمیل پر متعدد حملے ہوئے ہیں، انہی واقعات کے دوران گزشتہ سال ان کا ایک بیٹا بھی نامعلوم افراد کے ہاتھوں قتل ہوا تھا، تاہم اب کی بات سربازار دو نوجوان قتل کر دیئے گئے۔
پولیس ذرائع نے بتایا کہ واقعہ کے حوالے سے تحقیقات کر رہے ہیں، نامعلوم افراد واردات کے بعد فرار ہونے میں کامیاب ہوگئے، ملک جمیل وزیر قبائل توجی خیل کے چیف ملک ہیں۔
فائل فوٹو 