لاہور(پی ایم این/یاسین مغل)پنجاب حکومت نے 16 سال عمر کےافراد کو ڈرائیونگ لائسنس جاری کرنے کی منظوری دے دی ہے، جس کے بعد محکمہ داخلہ نے اس حوالے سے گزٹ نوٹیفکیشن کے اجرا کے لیے سفارشات محکمہ قانون کو ارسال کر دی ہیں۔ذرائع کے مطابق صوبائی کابینہ کی منظوری کے بعد محکمہ قانون پیر کے روز باقاعدہ گزٹ نوٹیفکیشن جاری کرے گا، جس کے تحت 16 سال عمر کے نوجوان موٹر سائیکل چلانے کے لیے ڈرائیونگ لائسنس حاصل کر سکیں گے۔
منظور شدہ پالیسی کے مطابق 16 سالہ لائسنس ہولڈر صرف موٹر سائیکل چلانے کا مجاز ہوگا اور موٹر سائیکل پر اپنے پیچھے صرف ایک سواری بٹھا سکے گا۔محکمہ داخلہ کی جانب سے منظوری محکمہ قانون کو بھجوا دی گئی ہے۔