لاہور(پی ایم این/اکرام بیگ)پروہاکی لیگ کیلئےقومی ہاکی ٹیم کے ممکنہ کھلاڑیوں کا تربیتی کیمپ جاری ہے جہاں کھلاڑیوں نےنیشنل ہاکی سٹیڈیم کی پچ نمبر 2 پر ٹریننگ سیشن میں حصہ لیا۔
شارٹ لسٹ کیے گئے کھلاڑیوں نے کوچنگ اسٹاف کی نگرانی میں مختلف تربیتی مشقیں کیں جبکہ بیرون ملک لیگ ہاکی کھیلنے والے کھلاڑی کل کیمپ میں رپورٹ کریں گے۔
پاکستان ٹیم جون کے پہلے ہفتے یورپ روانہ ہوگی جہاں پرو ہاکی لیگ میں شرکت کرے گی۔
ذرائع کے مطابق پروہاکی لیگ کیلئےقومی ٹیم کے حتمی کھلاڑیوں کا انتخاب 19 اور 20 مئی کو ہونے والے ٹرائلز کے ذریعے کیا جائے گا۔