(پی ایم این)لاہور ویپ ڈسک
آسٹریلیا کی ریاست نیو ساؤتھ ویلز کے دارالحکومت سڈنی کے جنوب مغرب میں چھوٹا طیارہ گر کر تباہ ہو نے سے پائلٹ زخمی ہو گیا۔ شنہوا نے پولیس کےحوالے سے بتایا ہے کہ ایمرجنسی سروسز کو جمعرات کی صبح تقریباً 7:50 بجے سڈنی سے 105 کلومیٹر جنوب مغرب میں واقع چھوٹے قصبے بیرِیما کے قریب طیارہ حادثے کی اطلاع موصول ہوئی جو ایک کھیت میں گرا۔ امدادی ٹیموں نے موقع پر پہنچ کر50 سالہ پائلٹ کو طیارے کے ملبے سے نکالا اور ایمبولینس کے عملے نے ابتدائی طبی امداد فراہم کی۔ طیارے سے ایندھن کا معمولی اخراج بھی ہوا جبکہ احتیاطی تدابیر کے طور پر فائر فائٹرز کو بھی موقع پر تعینات کیا گیا۔ پولیس کے مطابق ہوا بازی کے حکام کو مطلع کر دیا گیا ہے اور واقعے کی تحقیقات شروع کر دی گئی ہیں۔