لاہور(پی ایم این)برطانوی اداکار رابرٹ پیٹنسن کو جیمز بانڈ کے مشہور کردار کے لیے منتخب کر لیا گیا ہے۔برطانوی میڈیا کے مطابق007 فلمی سیریز کے انسٹاگرام اکاؤنٹ پر باضابطہ طور پر اعلان کیا گیا کہ رابرٹ پیٹنسن نئے جیمز بانڈ ہوں گے۔رابرٹ پیٹنسن جیمز بانڈ کا کردار ادا کرنے والے ساتویں اداکار ہوں گے۔ ان سے قبل ڈینیئل کریگ جیمز بانڈکا کردار ادا کر رہے تھے جنہوں نے 2021 میں اس معروف جاسوسی فلمی سیریز کو خیرباد کہہ دیا تھابرطانوی خبر ایجنسی کے مطابق یہ اعلان اداکار کے انتخاب کے لیے طویل عرصے تک جاری رہنے والے عمل کے بعد سامنے آیا ہے۔پیٹنسن ان 5 اداکاروں کی مختصر فہرست میں شامل تھے جن میں سے نئے جیمز بانڈ کا انتخاب کیا جانا تھا۔ اس فہرست میں جوش اوکونر اور کالم ٹرنر کے نام بھی شامل تھے۔
40 سالہ رابرٹ پیٹنسن جیمز بانڈ کی اگلی فلم میں نظر آئیں گے، جو اس سلسلے کی 26 ویں آفیشل فلم ہوگی۔جیمز بانڈ سیریز کی فلمیں اب تک مجموعی طور پر7 ارب 80 کروڑ ڈالر کی آمدنی حاصل کر چکی ہیں، جس کے باعث یہ دنیا کی سب سے زیادہ کمائی کرنے والی فلمی سیریز میں پانچویں نمبر پر آتی ہیں۔ تاہم فلموں سے متعلق مصنوعات کی فروخت اور مختلف کمپنیوں کے ساتھ تشہیری و اسپانسرشپ معاہدوں سے حاصل ہونے والی آمدنی کا تخمینہ اس رقم سے بھی کہیں زیادہ ہے۔

