اسلام آباد(پی ایم این)وزیر اعظم کے کوآرڈینیٹر اختیار ولی خان کا کہنا ہےکہ غیر قانونی کان کنی اور دہشتگردی کے درمیان گٹھ جوڑ خیبر پختونخوا کے امن و امان کیلئے خطرہ ہے، کوہاٹ میں سیاسی سرپرستی میں غیرقانونی کان کنی سے سونےکا تقریباً 80 فیصد افغانستان منتقل کیا جاتا رہا،کان کنوں سے ماہانہ لاکھوں روپے وصول کیے جاتے رہے۔
انہوں نے الزام لگایا کہ حاصل آمدن نہ صوبے کے عوام کو ملی اور نہ ہی قومی خزانے میں جمع ہوئی، سابق صوبائی وزیر آفتاب عالم، شہریار آفریدی اور خرم ذیشان سمیت متعدد سیاسی شخصیات کے نام غیر قانونی کان کنی کے معاملے میں سامنے آئے ہیں ، نیٹ ورک میں مبینہ طور پر مسلح گروہوں اور دہشت گرد کمانڈروں کو بھی شامل کیا گیا۔

