شریف اپنے دورۂ ترکیہ پر انطالیہ پہنچ گئے

وزیرِ اعظم محمد شہباز شریف اپنے دورۂ ترکیہ پر انطالیہ پہنچ گئے۔

انطالیہ کے گورنر ہلوسی شاہین  (Hulusi Şahin) نے ہوائی اڈے پر وزیرِ اعظم اور پاکستانی وفد کا پرتپاک استقبال کیا۔

اس موقع پر پاکستان کے ترکیہ میں سفیر یوسف جنید اور اعلیٰ سفارتی اہلکار بھی موجود تھے۔

وزیر اعظم کل پانچویں انطالیہ ڈپلومیسی فورم میں شرکت کریں گے۔ فورم کے دوران، وزیر اعظم پاکستان کا نقطہ نظر پیش کرنے کے لیے "لیڈرز پینل” میں شرکت کریں گے۔

اس موقع پر وزیراعظم کی صدر Recep Tayyip Erdogan اور دیگر اہم عالمی رہنماؤں سے دو طرفہ ملاقاتیں بھی متوقع ہیں۔

نائب وزیرِ اعظم و وزیرِ خارجہ سینیٹر اسحاق ڈار، وزیرِ اطلاعات و نشریات عطا اللہ تارڑ، معاون خصوصی طارق فاطمی اور وزیرِ اعظم کے ترجمان برائے بین الاقوامی میڈیا مشرف زیدی ، وزیرِ اعظم کے ہمراہ ہیں۔