اسلام آباد(پی ایم این) وزیراعظم کے معاون خصوصی برائے صنعت و پیداوار ہارون اختر خان نے کہا ہے کہ پاکستان کے ایس ایم ایز عالمی سطح پر میڈان پاکستان مصنوعات برآمد کرنے کی بے پناہ صلاحیت رکھتے ہیں۔
وہ اسلام آباد میں اہم ممالک کے ایس ایم ای کلسٹرز اور ٹریڈ اینڈ انویسٹمنٹ آفیسرز کے ساتھ ایک اجلاس کی صدارت کر رہے تھے۔
معاون خصوصی نے کہا کہ آرگینک نمک، شہد اور پلاسٹک کی مصنوعات جیسے شعبے اپنی برآمدات میں نمایاں اضافہ کر سکتے ہیں۔
ہارون اختر خان نے کہا کہ پاکستانی SMEs کی تیار کردہ گھریلو دیکھ بھال اور فرش صاف کرنے والی مصنوعات بین الاقوامی سطح پر مقابلہ کرنے کی مضبوط صلاحیت رکھتی ہیں۔
معاون خصوصی نے اس بات پر زور دیا کہ وزیراعظم نے گلگت بلتستان، آزاد جموں و کشمیر اور بلوچستان میں ایس ایم ایز کو بین الاقوامی برآمدات کے مواقع فراہم کرکے ان کی ترقی پر خصوصی توجہ دی ہے۔