اسلام آباد(پی ایم این)امریکہ پاکستان میں ایران کے ساتھ مذاکرات کا دوسرا دور شروع کرنے پر غور کر رہا ہے۔
اس بات کا اعلان وائٹ ہاؤس کی پریس سیکرٹری کیرولین لیویٹ نے واشنگٹن میں ایک پریس بریفنگ کے دوران کیا۔
کیرولین لیویٹ نے کہا کہ امریکہ ،ایران مذاکرات میں پاکستان واحد ثالث ہے۔
انہوں نے ممکنہ معاہدے کے بارے میں امید کا اظہار کیا اور ثالثی کے عمل میں پاکستان کے مرکزی کردار کی تعریف کی۔
پریس سیکرٹری نے کہا کہ مذاکرات کے تمام عمل میں پاکستانی قیادت نے ثالث کا کردار بہترین انداز میں نبھایا اور امریکہ ان کی دوستی اور معاہدے کو پایہ تکمیل تک پہنچانے کی کوششوں کو سراہتا ہے۔