اسلام آباد(پی ایم این)وزیر اعظم محمد شہباز شریف نے اسلام آباد میں جاری مذاکرات میں بامعنی نتائج کے حصول کی غرض سے ثالث کے طور پر اپنا کردار ادا کرنے کے لیے پاکستان کے پختہ عزم کا اعادہ کیا ہے۔
انہوں نے ان خیالات کا اظہار ہفتہ کے روز اسلام آباد میں جاری مذاکرات میں ایرانی وفد سے گفتگو کرتے ہوئے کیا۔
ایرانی وفد کی قیادت ایرانی مشاورتی اسمبلی کے اسپیکر محمد باقر قالیباف نے کی اور اس میں ایران کے وزیر خارجہ عباس عراقچی بھی شامل تھے۔
وزیراعظم نے کہا کہ پاکستان علاقائی اور عالمی امن و استحکام کے فروغ کے لیے پرعزم ہے۔
انہوں نے مذاکرات میں ایران کی تعمیری شرکت اور مثبت کردار کو بھی سراہا۔
نائب وزیراعظم اور وزیر خارجہ محمد اسحاق ڈار، چیف آف ڈیفنس فورسز اور چیف آف آرمی سٹاف فیلڈ مارشل سید عاصم منیر اور وزیر داخلہ سید محسن رضا نقوی بھی اس موقع پر موجود تھے۔