February 11, 2026
لاہور(پی ایم این):صدر آصف علی زرداری نے ایران میں اسلامی انقلاب کی 47 ویں سالگرہ کے موقع پر ایران کے سپریم لیڈر آیت اللہ سید علی خامنہ ای اور عوام کو مبارکباد پیش کی ہے۔
صدر نے اپنے پیغام میں کہا کہ پاکستان اور ایران کے درمیان مشترکہ تاریخ، زبان، ثقافت اور جغرافیہ پر مبنی رشتہ ہے جو گزشتہ برسوں میں مزید مضبوط اور متحرک ہوا ہے۔
انہوں نے اس اعتماد کا اظہار کیا کہ بھائی چارے کا جذبہ آئندہ برسوں میں بھی پروان چڑھتا رہے گا، جو دونوں ممالک اور وسیع تر خطے کی خوشحالی، استحکام اور ہم آہنگی میں کردار ادا کرے گا۔
صدر مملکت نے آیت اللہ علی خامنہ ای کی صحت و تندرستی کیلئے نیک تمنائوں کا اظہار کیا اور ایران کے عوام کی امن، ترقی اور خوشحالی کیلئے دعا کی۔