February 09, 2026
اسلام آباد (پی ایم این)نائب وزیر اعظم اسحاق ڈار نے یورپی یونین کے ساتھ تجارتی اور اقتصادی روابط کو وسعت دینے کی اہمیت پر زور دیا ہے۔
انہوں نے یہ بات آج اسلام آباد میں ایک اعلیٰ سطح کے بین الوزارتی اجلاس کی صدارت کرتے ہوئے کہی جس میں یورپی یونین کے ساتھ پاکستان کے اقتصادی اور تجارتی تعاون کو مضبوط بنانے کے اقدامات کا جائزہ لیا گیا۔
نائب وزیراعظم نے کہا کہ یورپی یونین خاص طور پر جی ایس پی پلس فریم ورک کے تحت پاکستان کیلئے ایک اہم اقتصادی شراکت دار ہے۔
اسحاق ڈار نے کہا کہ پاکستان نے دو سال کی مدت پر مبنی چار جی ایس پی پلس جائزے کامیابی کے ساتھ مکمل کر لیے ہیں۔
انہوں نے باہمی مفاد پر مبنی تجارتی مواقع بڑھانے کیلئے جی ایس پی پلس سکیم کے تحت اپنی ذمہ داریوں کو مکمل طور پر پورا کرنے کیلئے پاکستان کے عزم کا اعادہ کیا ۔