February 09, 2026
اسلام آباد (پی ایم این) صدر آصف علی زرداری نے اسلام آباد میں دہشتگردی کے واقعے پر پاکستان کے ساتھ یکجہتی کے اظہار پرعالمی رہنماؤں کا شکریہ ادا کیا ہے۔
ایک بیان میں انہوں نے کہا کہ پاکستان عالمی رہنماوں کی جانب سے بھرپورحمایت اور یکجہتی کے جذبات پر ممنون ہے۔
آصف علی زرداری نے کہا کہ یہ پیغامات دہشت گردی کے خلاف جنگ کا اعادہ ہیں۔
صدر نے کہا پاکستان کا دیرینہ موقف رہا ہے کہ کوئی ایک ملک تنہا دہشت گردی کا مقابلہ نہیں کر سکتا۔
اس حوالے سے انہوں نے زوردیا کہ بعض ہمسایہ ممالک بدقسمتی سے دہشت گرد عناصر کو اپنی سرزمین سے پاکستان مخالف کارروائیوں کی اجازت دے کر اس جرم میں شریک ہیں،جبکہ ان کی جانب سے مالی معاونت کیساتھ دہشتگرد وں کوتکنیکی اور عسکری وسائل بھی فراہم کیے جاتے ہیں۔
اُنہوں نے کہا کہ پاکستان کا مشرقی ہمسایہ ملک طالبان حکومت کی معاونت کر کے پاکستان کیساتھ علاقائی اور عالمی امن کو بھی خطرے میں ڈال رہا ہے۔
صدر مملکت نے کہاکہ عالمی برادری کی جانب سے اظہار یکجہتی سے پاکستان کا اپنے شراکت داروں کے ساتھ امن واستحکام اورہرقسم کی دہشت گردی کے مکمل خاتمے کیلئے کام کرنے کا عزم مضبوط ہوا ہے۔