لاہور،ہربنس پورہ سےخواتین سے نازیبا حرکات اور زیادتی کی کوشش کرنے والا جعلی پیر گرفتار

لاہور(پی ایم این/حامدمحمودمغل)لاہور کے علاقے ہربنس پورہ سے پولیس نے ایک خاتون کی شکایت پر دم درود کےبہانےخواتین سےنازیباحرکات اورزیادتی کی کوشش کرنیوالاجعلی پیرعبدالروف کو گرفتارکرلیا۔پولیس نے ملزم کے خلاف متاثرہ خاتون کے بھائی کی مدعیت میں باقاعدہ مقدمہ درج کر کے اسے حوالات میں بند کر دیا۔
پولیس نے بتایا کہ ملزم عبدالرؤف دم کرنے کے بہانے ایک گھر میں آیا اور گھر والوں کو چکمہ دے کر کمرے سے باہر نکال دیا، جس کے بعد اس نے اکیلی خاتون کے ساتھ بدتمیزی اور نازیبا حرکات کیں۔
حکام نےبتایاکہ ملزم رات کے وقت خاتون کو بار بار فون کر کے اپنے گھر آنے کا کہتا اور انکار پر سنگین دھمکیاں دیتا تھا ، جس کے بعد ملزم کو رنگے ہاتھوں پکڑنے کے لیے پولیس کی نگرانی میں ایک فرضی لڑکی کو ملزم کے ٹھکانے پر بھیجا گیا، جہاں ملزم نے زبردستی زیادتی کی کوشش کی۔
تاہم ہربنس پورہ پولیس نے ایس پی کینٹ کی ہدایت پر فوری ایکشن لیتے ہوئے ملزم کو دھر لیا اور ملزم کو مزید سخت تفتیش کے لیے جینڈر سیل کے حوالے کر دیا گیا ہے۔