اسلام آباد( پی ایم این)وفاقی بجٹ10جون کی بجائے12جون کو قومی اسمبلی میں پیش کئے جانے کا امکان ہےجب کہ بجٹ پر بحث بھی محدود ہو گی۔حکومتی ذرائع کے مطابق وفاقی بجٹ پیش کرنے کیلئے مختصر نوٹس پر قومی اسمبلی اجلاس طلب کیا جائے گا اور کم وقت کے باعث بجٹ کی منظوری کا عمل مختصر رکھا جائے گا۔
پیپلزپارٹی نے بجٹ منظور کروانے کے لیے گرین سگنل دے دیا ہے۔ذرائع کے مطابق وزیراعظم شہباز شریف اور صدر آصف زرداری کے درمیان ملاقات ایوان صدر میں ہوئی جس میں بجٹ سے متعلقہ امور زیر غور آئے۔حکومت اور پیپلزپارٹی نے ایک دوسرے کی بیشتر بجٹ تجاویز سے اتفاق کیا ہے۔ذرائع کا کہنا ہے کہ وسائل اور مسائل دیکھتے ہوئے دونوں ایک دوسرے کے لیے اسپیس دیں گے، بعض قابل عمل نکات پر تکنیکی کمیٹیاں مشاورت جاری رکھیں گی۔