کراچی(پی ایم این)منشیات کیس میں گرفتار ملزمہ انمول پنکی کے وائس نوٹ کے فرانک کیلئے تفتیشی افسر نے اجازت طلب کرلی
ملزمہ انمول عرف پنکی نے دوران تفتیش وائس نوٹ کی تصدیق سے انکار کردیاتھا۔
ملزمہ کے انکار کے بعد تفتیشی افسر نے جوڈیشل مجسٹریٹ جنوبی سے جیل میں ملزمہ کی آواز کا نمونہ ریکارڈ کرنے کیلئے اجازت طلب کرلی۔تفتیشی افسر کے مطابق دوران تفتیش ملزمہ کے متعدد وائس نوٹ ملے ہیں تاہم ملزمہ کی جانب سے وائس نوٹ کی تصدیق سے انکار کیا گیاہے۔
تفتیشی افسر کا کہنا تھا کہ منشیات کیسز کی تحقیقات کیلئے وائس نوٹ اہم شواہد ہیں لہٰذا ملزمہ کی آواز اور وائس نوٹ کا فارنزک ضروری ہے۔تفتیشی افسر نے مزید کہا کہ فارنزک سے وائس نوٹ کے اصل ہونے کی تصدیق ہوسکے گی۔