ایرانی قونصل جنرل کا لاہورپریس کلب کادورہ،صدرارشد انصاری نےشیلڈ پیش کی

لاہور(پی ایم این/خالدمحمود) اسلامک ری پبلک آف ایران کے لاہور میں تعینات قونصل جنرل مہران موحٰد فرنے لاہورپریس کلب کا دورہ کیا۔لاہورپریس کلب کے صدر ارشد انصاری ، جنرل سیکرٹری افضال طالب، فنانس سیکرٹری سالک نوازاور ممبر گورننگ باڈی کامران مغل نے معزز مہمان کو کلب آمد پر خوش آمدید کہا۔ ایرانی قونصل جنرل مہران موحٰد فر نے اس موقع پر گفتگو کرتے ہوئے کہاکہ لاہورپریس کلب آکر بہت اچھا محسوس ہورہاہے ، پاکستان ہمارا برادر اسلامی ملک ہے اور ہمارے دوطرفہ گہرے تعلقات ہیں، آج میرے لئے قیمتی موقع ہے کہ شہر لاہور کے میڈیا سے بات چیت کروں ۔ انھوں نے کہاکہ این پی ٹی کے ممبر پر حملہ کیا گیا، ایک ایٹمی پلانٹ امریکہ نے لگایا جو اختلاف کے بعد روس سائنسدانوں سے اشتراک کرلیا ، دوسرا فرانس کاہے ہم 10فیصد شیئر ہولڈرہے ، تیسرا ایٹمی پلانٹ جرمن لگایا ہے ، جنگ مسلط کرنے ، بچوں کو مارنے والے ہیں،ہم چاہتے ہیں دنیا ایٹمی ہتھیاروں سے پاک ہو، رواں سال 28فروری سے امریکی مذاکرات کے دوران ہی جنگ مسلط کی گئی، رہبر انقلاب آیت اللہ خامنہ ای پر امریکہ نے حملہ کرکے شہید کردیا، تین میزائل حملہ کرکے ایک سکول پر بمباری کی جس سے 168 طلبہ شہید ہوئے جس میں سے ایک کا جسد خاکی نہیں ملا،پشاور میں اے پی ایس سکول پر حملہ میں 149 طلبہ شہید ہوئے تو کتنا تکلیف دہ واقعہ تھا جسے کی ہر سال یاد منائی جاتی ہے،جب سکول پر میزائل داغے گئے تو بچوں پر گرتی دیوار کو والدین دیکھ رہے تھے، ایرانی جہاز کو بھارتی سمندری حدودمیں میزائل سے نشانہ بنایا گیاجو جنگ میں شامل نہیں تھا، غیر مسلح ایرانی بحری جہاز کو امریکہ نے نشانہ بنایا بتائے بغیر اسے تباہ کیا گیا، تین ہزار چار سو لوگوں کو نشانہ بنایا گیا 250 تو صرف بچے ہی تھے،47 سال سے امریکی دہشت گردانہ پابندیوںکا سامنا ہے، جنگ کے دوران ایران کے شہروں پر کیمیکل بمباری کی گئی، ٹرمپ نے دعویٰ کیا اوبامہ نے دہشت گرد گروپ داعش بنایا، قاسم سلیمانی کو اس لئے شہید کیا گیا داعش کےخلاف کارروائی نہ کریں ، کہ اوبامہ کی میراث قائم رہ سکے، جنگ میں امریکہ نے دھمکی دی کہ وہ پتھر کے دور میں بھیج دے گا، بادشاہی مسجد کی تاریخ 325سال کی ہے جو امریکہ سے بھی زیادہ ہے، امریکہ نے ایران میں 149 تاریخی مقامات 30 یونیورسٹیوں 763سکول 55لائبریریوں کو نشانہ بنایا، امریکہ نے حملہ کرکے1023گھروں کو خراب کیا اور 130 ہیلتھ سنٹرز اور 30 ہسپتالوں کو تباہ کردیا،امریکہ کی تاریخ ہے کہ ڈھائی سو سالوں میں جہاں گئے وہاں تباہی مچائی، ایٹمی ہتھیاروں کا بہانہ بناکر امریکہ نے مختلف ملکوں پر حملہ کئے،آیت اللہ خامنہ ای پہلے ہی کہتے رہے جوہری ہتھیار نہیں بنانا چاہتے بلکہ اس کے استعمال کو بھی حرام قرار دیا تھا،امریکہ نے 2003ءمیں عراق میں جوہری ہتھیار کابہانہ بناکر حملہ کیا، عراق تیل کا پیسہ کہاں جا رہا ہے وہ پیسہ امریکہ جاتا ہے پھر فیصلہ کرتا کس طرح خرچ کرنا ہے، افسوس ہے کہ کچھ اسلامی ممالک نے امریکہ کو اپنے اڈے دیئے جس نے مدد کی اب ان پر فرض ہے کہ وہ ہمیں جرمانہ دیں،پہلے بھی کہا، کہتے ہیں امریکی اڈے نہ ہوتے تو ان ممالک پر حملہ ہی نہ ہوتا، وہ اڈہ جو سکیورٹی چھت کا باعث بننا تھے اب وہ ہی بد امنی کی وجہ بنے ہیں، ہم نے اقوام متحدہ کے آرٹیکل 51 کے تحت اپنا دفاع کیا،ہمسایہ ممالک سے ہماری کوئی لڑائی نہیں ہے، وزیر خارجہ ایران نے کہا ہمسائیہ ممالک جغرافیہ میں یہ رہ جائیں گے اور ہم آئندہ بھی اکٹھے رہیں گے،جنگ بندی میں پاکستان کے کردار کا شکریہ ادا کرتے ہیں،فیلڈ مارشل عاصم منیر، وزیر اعظم شہبازشریف اور اسحاق ڈار کے مشکور ہیں کوشش ہے کہ جنگ بندی ہو اور مسلسل قائم رہے،ٹرمپ مسلسل اپنے بیانیہ بدل کر جنگ بندی کی خلاف ورزی کررہے ہیں،جنگ بندی کو ابراہیمی معاہدہ سے جوڑ دیا ہے، ٹرمپ چاہتا ہے گریٹر اسرائیل وجود میں آئے،ایران نے14 صفحات پر مبنی ڈرافٹ امریکہ بھیجا ہے، پاکستان کے ذریعے معلومات کا تبادلہ ہو رہا ہے ڈائریکٹ مذاکرات نہیں ہو رہے، چالیس روز پوری طاقت سے مقابلہ کیا اگر آئندہ بھی حملہ کیا تو جنگ جاری رکھ سکتے ہیں لیکن ہم ایسا نہیں چاہتے، آیت اللہ خامنہ ای کی تدفین کے متعلق کوئی سرکاری اعلان نہیں کیاگیا، آئندہ قریب میں جلد ہی آیت اللہ خامنہ ای کی تدفین کے پروگرام کا اعلان کریں گے ، امریکہ سے جوہری معاملہ مستقل جنگ بندی تک کوئی بات نہیں کی جائے گی،جو امریکی اڈہ عرب ممالک میں ہیں ان کی حکمرانی بھی ان ممالک کے پاس نہیں ہے، برادر عرب ملکوں کے غصہ کے ذمہ دار نہیں وہ ٹرمپ سے بات کریں،جن امریکی اڈوں سے ایران پر حملہ کیا گیا ان کو کو تباہ کیاگیا۔اس موقع پر صدر ارشد انصاری نے کہاکہ آج ایرانی قونصل جنرل کی کلب آمد ہمارے لئے اعزازکی بات ہے، ایران امریکہ مذاکرات میں پاکستان کا کردار بہت اہم ہے،پاکستان چاہتا ہے اگلے مذاکرات ہوں اور مستقل جنگ بندی ہو، ترکیہ قطر ، سعودی عرب سمیت دنیا کی خواہش ہے کہ ایران امریکہ جنگ بند ہو جائے، جتنا بہادر ملک ایران ہے اس کی مثال نہیں ملتی،ایران امریکہ جلد جنگ بندی ہو تاکہ دنیا امن کاگہوارہ بن جائے۔ لاہورپریس کلب کی جانب سے معززمہمان کو پھول اور یادگاری شیلڈ پیش کی گئی۔