لاہور(پی ایم این/ویب ڈیسک)صدر آصف علی زرداری نے خیبرپختونخوا میں بھارتی حمایت یافتہ فتنہ الخوارج کے خلاف کامیاب کارروائیوں پر سکیورٹی فورسز کو خراجِ تحسین پیش کیا ہے، جن میں تئیس خوارج ہلاک کیے گئے۔
اپنے پیغام میں صدر مملکت نے سکیورٹی فورسز کی پیشہ ورانہ صلاحیتوں کو سراہا۔ صدر نے کہا کہ دہشت گردوں کے ٹھکانوں، سرنگوں اور بنکروں کی تباہی اور انتہائی مطلوب غیر ملکی دہشت گردوں کو انجام تک پہنچانا سکیورٹی فورسز کی مؤثر حکمتِ عملی کا مظہر ہے۔
انہوں نے کہا کہ بھارتی سرپرستی میں سرگرم فتنہ الخوارج اور دیگر دہشت گرد عناصر کے مکمل خاتمے تک یہ کارروائیاں جاری رہیں گی۔