پاکستان اور آذربائیجان نے قانونی، عدالتی اور ادارہ جاتی شعبوں میں تعاون کو مزید مضبوط بنانے کے عزم کا اعادہ کیا ہے۔
اس عزم کا اظہار آج اسلام آباد میں آذربائیجان کے وزیر انصاف Farid Ahmadov اور وزیر قانون و انصاف اعظم نذیر تارڑ کے درمیان ملاقات میں کیا گیا۔
ملاقات کے دوران فریقین نے قانونی اور عدالتی شعبوں میں دوطرفہ تعاون بڑھانے کے طریقوں پر تبادلہ خیال کیا۔
اس موقع پر گفتگو کرتے ہوئے آذربائیجان کے وزیر نے دونوں ممالک کے درمیان عدالتی تربیت اور ادارہ جاتی روابط کے شعبے میں تعاون جاری رکھنے کا یقین دلایا۔
آذربائیجان کے وزیر نے وفاقی وزیر قانون و انصاف اعظم نذیر تارڑ کو Medal For Justice پیش کیا۔
وفد کو پاکستان کی وزارت قانون و انصاف کے طریقہ کار اور ادارہ جاتی لائحہ عمل کے بارے میں بھی بریفنگ دی گئی۔