اسلام آباد(پی ایم این/ویب ڈیسک)پاکستان میں امریکی ناظم الامور نٹالی بیکر نے اسلام آباد میں وزیر داخلہ محسن نقوی سے ملاقات کی اور تازہ ترین علاقائی صورتحال پر تبادلہ خیال کیا۔
ملاقات میں اسلام آباد مذاکرات کے دوسرے دور کے انعقاد کے حوالے سے سفارتی کوششوں پر بات چیت کی گئی۔
وزیر داخلہ نے امریکی صدر ڈونلڈ ٹرمپ کے جنگ بندی میں توسیع کے اقدام کو سراہا ۔ انہوں نے کہا کہ یہ اقدام کشیدگی میں کمی کی جانب ایک اہم قدم ہے۔
اجلاس میں تنازع کے دیرپا حل کے لیے سفارتی ذرائع جاری رکھنے کی ضرورت پر زور دیا گیا ۔
محسن نقوی نے کہا کہ وزیر اعظم محمد شہباز شریف اور فیلڈ مارشل سید عاصم منیر اس مسئلے کے حل کے لیے ہر سطح پر تمام ممکنہ کوششیں کر رہے ہیں۔
انہوں نے امید ظاہر کی کہ فریقین مسئلے کا سفارتی اور پرامن حل تلاش کریں گے ۔
نٹالی بیکر نے خطے میں امن کے فروغ اور تنازعات کے حل کے لئے پاکستان کی تعمیری کوششوں کو سراہا۔
