اسلام آباد(پی ایم این)وزیرخزانہ محمد اورنگزیب نے کہا ہے کہ حکومت پائیدار مالی وسائل کی فراہمی یقینی بنانے کیلئے سرمائے کی منڈیوں کی متنوع حکمت عملی پر فعال طور پر عمل پیرا ہے۔
وہ اسلام آباد میں پاکستان میں یورپی یونین کے سفیر Raimundas Karoblis سے گفتگو کر رہے تھے۔
وزیرخزانہ نے سرمایہ کاروں کے بڑھتے ہوئے اعتماد اور مستقبل پرمبنی معاشی اصلاحات کے ایجنڈے کے لئے حکومت کے عزم کو اجاگر کیا۔
انہوں نے جی ایس پی پلس لائحہ عمل کے تحت مسلسل پیشرفت کی امید کا بھی اظہار کیا اور اسے پاکستان اور یورپی یونین کے اقتصادی تعلقات کا ایک اہم ستون قرار دیا۔
فریقین نے پاکستان اور یورپی یونین کے اقتصادی تعلقات مزید مضبوط بنانے کے عزم کا اظہار کیا۔