اسلام آباد(پی ایم این)وزیر خزانہ محمد اورنگزیب کی جیفریز انٹرنیشنل کے زیر اہتمام سرمایہ کاروں کے اجلاس میں شرکت
وزیر خزانہ محمد اورنگزیب نے واشنگٹن میں جیفریز انٹرنیشنل کی میزبانی میں ادارہ جاتی سرمایہ کاروں کے ساتھ گول میز مباحثے میں شرکت کی۔
انہوں نے شرکاء کو پاکستان کے معاشی منظر نامے اور اصلاحاتی پیشرفت سے آگاہ کیا۔
محمد اورنگزیب نے کہا کہ پاکستان نے تمام مقداری اور ساختی معیارات کو کامیابی سے پورا کرنے کے بعد توسیعی فنڈ سہولت کے تیسرے جائزے اور موسمیاتی تبدیلی سے نمٹنے اور معاشی استحکام کیلئے قرض کی سہولت کے دوسرے جائزے پر بین الاقوامی مالیاتی فنڈ کے ساتھ سٹاف کی سطح کا معاہدہ کیا ہے۔
وزیر خزانہ نے مشرق وسطیٰ میں جاری تنازعے کے پاکستان کی معیشت اور حکومت کی حکمت عملی پر اس کے اثرات کا بھی تذکرہ کیا۔