وزیراعظم شہباز شریف نے کہا ہے کہ حکومت پائیدار، شفاف اور سہولت پر مبنی سرمایہ کاری کے لائحہ عمل پر یقین رکھتی ہے۔
وہ اسلام آباد میں سروس لانگ مارچ ٹائرز پرائیویٹ لمیٹڈ کے چیئرمین جن یونگ شینگ کی قیادت میں ملاقات کرنے والے چار رکنی وفد سے گفتگو کر رہے تھے۔
وزیراعظم نے کہا کہ ہم خصوصی سرمایہ کاری سہولت کونسل کے ذریعے سرمایہ کاروں کو ہر ممکن سہولیات فراہم کرنے کے لیے کام کر رہے ہیں۔
انہوں نے کہا کہ وہ پاکستان اور چین کے درمیان کاروباری تعلقات کو مزید وسعت دینے کو ترجیح دے رہے ہیں۔
وزیراعظم نے کہا کہ سروس لانگ مارچ جیسے مشترکہ منصوبے اقتصادی ترقی، روزگار کے نئے مواقع، ٹیکنالوجی کے اشتراک اور دونوں ممالک کی برآمدات میں اضافے کے لیے انتہائی اہم ہیں۔
جن یونگ شینگ نے پاکستان کے سرمایہ کار دوست ماحول اور اقتصادی پالیسیوں کو سراہا۔