چھٹا جناح گولڈ پولو کپ، ایف جی پولو و بی این پولو نے مین فائنل کیلئے کوالیفائی کرلیا

لاہور۔27فروری (پی ایم این):جناح پولو فیلڈز کے زیراہتمام چھٹے جناح گولڈ پولو کپ 2026 میں ایف جی پولو اور بی این پولو نے فائنل کیلئے کوالیفائی کرلیاہے۔ گزشتہ روز کھیلے گئے اہم میچ میں ایف جی پولو نے ماسٹر پینٹس،ڈائمنڈ پینٹس کی ٹیم کو 11-4 سے ہرا دیا۔ جناح پولو فیلڈز میں ہائی گول سیزن کا بڑا ٹورنامنٹ جاری ہے۔ میچز دیکھنے کیلئے فیملیز، تماشائی اور پولو کے کھلاڑیوں کی بڑی تعداد موجود تھی۔ اس موقع پر کلب کے سیکرٹری میجر عادل سلطان (ر) بھی موجود تھے۔

ایف جی پولو نے ماسٹر پینٹس ،ڈائمنڈپینٹس کی ٹیم کو 11-4 سے ہرا کر مین فائنل کیلئے کوالیفائی کیا۔ ایف جی پولو کی طرف سے راول لیپ لا سیٹ نے شاندار کھیل پیش کیا اور 9 زبردست گول سکور کیے جبکہ مارکوس ریوالا اور امین رحمان نے ایک ایک گول سکور کیا۔ ماسٹر پینٹس ،ڈائمنڈ پینٹس کی طرف سے عامر رضا بہبودی نے دو، فاکو ریٹ مار اور صوفی ہارون نے ایک ایک گول سکور کیا۔