مستحکم معیشت کیلئے جی ڈی پی کے تمام شعبوں کو ٹیکس دائرہ کار میں لایا جائیگا،وزیرخزانہ
اسلام اباد (پی ایم این)وزیر خزانہ محمد اور نگزیب نے کہا ہے کہ قومی معیشت کو مستحکم کرنے کیلئے جی ڈی پی کے تمام شعبوں کو ٹیکس دائرہ کار میں لایا جائے گا۔
انہوں نے آج کراچی میں پاکستان کے ایوان صنعت و تجارت کی فیڈریشن کے زیراہتمام بجٹ سے پہلے ایک سیمینار سے خطاب کرتے ہوئے کہا کہ قومی معیشت کو درست سمت میں گامزن کردیا گیا ہے۔
محمد اورنگزیب نے کہا کہ دانشمندانہ معاشی پالیسیوں کی بدولت مہنگائی اور پالیسی ریٹ میں نمایاں کمی آئی ہے۔انہوں نے کہا کہ حسابات جاریہ کے خسارے پر قابو پالیا گیا ہے
وزیر خزانہ نے یقین دہانی کرائی کہ کاروباری برادری کی تجاویز کا جائزہ لیا جائے گا اور انہیں اگلے بجٹ میں شامل کیا جائے گا۔
انہوں نے کہا کہ کاروباری برادری کے ساتھ اگلے بجٹ پر مشاورت کا عمل جاری ہے۔
محمد اورنگزیب نے کہا کہ حکومت پیداوار کے ذریعے ترقی کو یقینی بنانے کیلئے برآمدات بڑھانے پر توجہ مرکوز کررہی ہے۔