لاہور(پی ایم این)ملک کے مختلف شہروں میں زلزلے کے شدید جھٹکے محسوس کئے گئے۔زلزلے کے جھٹکے بٹگرام، نوشہرہ، خیبر، ایبٹ آباد، چترال، بونیر، لوئر دیر، اپر دیر، سوات اور گردونواح میں محسوس کیے گئے۔
زلزلہ پیما مرکز کے مطابق ریکٹر اسکیل پر زلزلے کی شدت5.3 ریکارڈ کی گئی، زلزلے کی گہرائی 84 کلومیٹر جبکہ زلزلے مرکز کوہ ہندوکش کا پہاڑی سلسلہ تھا۔
زلزے کے باعث شہری خوفزدہ ہو کر گھروں اور عمارتوں سے باہر نکل آئے اور کلمہ طیبہ کا ورد کرتے رہے۔اطلاعات کے مطابق زلزلے کے نتیجے میں کسی جانی یا مالی نقصان کی اطلاع موصول نہیں ہوئی، انتظامیہ اور متعلقہ ادارے صورتحال پر نظر رکھے ہوئے ہیں۔

