ا سلام آباد(پی ایم این/ویب ڈیسک)بنگلہ دیش کے اعلیٰ سرکاری افسران پر مشتمل ایک وفد دو ہفتوں پر محیط ایگزیکٹو لیڈرشپ ٹریننگ پروگرام میں شرکت کیلئے پاکستان پہنچ گیا ہے۔
وفد کی کراچی آمد پر ہائر ایجوکیشن کمیشن پاکستان کے حکام اور سول سروسز اکیڈمی کے نمائندوں نے ان کا پرتپاک استقبال کیا۔
ایگزیکٹو لیڈرشپ ٹریننگ پروگرام حکومتِ پاکستان کا ایک اہم اقدام ہے جس کا مقصد پاکستان اور بنگلہ دیش کے درمیان ادارہ جاتی روابط کو مضبوط بنانا ہے۔
یہ اقدام دونوں ممالک کے سرکاری شعبے کے اداروں کے درمیان باہمی تعاون کو فروغ دینے اور مشترکہ تربیت کے عمل کو آگے بڑھانے کی جانب ایک اہم پیشرفت ہے۔