ا سلام آباد(پی ایم این/ویب ڈیسک)پاکستان نے دفاعی صلاحیتوں کے اظہار اور قومی سلامتی کو مزید مستحکم بنانے کے عزم کے تحت”فتح میزائل سسٹم” کا کامیاب تجربہ کیا ہے۔
سیکیورٹی ذرائع کے مطابق 5 مئی 2025 کو جنگی مشق”انڈس” کے دوران کیے گئے اس تجربے نے پاکستان کی دفاعی تیاریوں اور آپریشنل صلاحیتوں کو مزید مضبوط بنا دیا ہے۔
ذرائع کا کہنا ہے کہ یہ تجربہ خطے میں بڑھتی ہوئی کشیدگی اور بھارت کے دھمکی آمیز بیانات کے تناظر میں کیا گیا، جس کا مقصد دشمن کو واضح پیغام دینا ہے کہ پاکستان ہر قسم کی جارحیت کا منہ توڑ جواب دینے کی مکمل صلاحیت رکھتا ہے۔
”فتح میزائل” زمین سے زمین پر مار کرنے والا جدید نظام ہے جو تقریبا 120 کلومیٹر تک ہدف کو نشانہ بنانے کی صلاحیت رکھتا ہے۔ اس کامیاب تجربے کے ذریعے جدید نیوی گیشن سسٹم سمیت مختلف تکنیکی پہلوں کی توثیق بھی کی گئی۔
دفاعی ماہرین کے مطابق اس پیش رفت سے پاکستان نے یہ ثابت کیا ہے کہ اس کے اسٹرٹیجک ادارے اور سیکیورٹی فورسز ملک کے دفاع کو ناقابلِ تسخیر بنانے کے لیے ہمہ وقت تیار ہیں۔
بین الاقوامی تجزیہ کاروں کا کہنا ہے کہ پاکستان نے بروقت اقدام کرتے ہوئے دشمن کے ممکنہ عزائم کو بھانپ لیا اور اس کامیاب تجربے کے ذریعے واضح تنبیہ جاری کی ہے کہ قومی سلامتی پر کوئی سمجھوتہ نہیں کیا جائے گا۔