ا سلام آباد(پی ایم این/ویب ڈیسک)صدر آصف علی زرداری نے متبادل توانائی، واٹر ٹریٹمنٹ اور ای وی بیٹری سسٹم سمیت ترجیحی شعبوں میں بڑے پیمانے پر چینی سرمایہ کاری کی دعوت دی ہے۔
وہ Hangzhou Jinjiang گروپ کے چیف ایگزیکٹو آفیسر وانگ جیان سے گفتگو کر رہے تھے جنہوں نے صوبہ ہائینان کے شہر سانیا میں ان سے ملاقات کی۔
صدر نے کہا کہ پاکستان مختلف شعبوں بالخصوص واٹر ٹریٹمنٹ، الیکٹرک وہیکل بیٹری سسٹم اور متبادل توانائی میں غیر ملکی سرمایہ کاری کی بھرپور حوصلہ افزائی کر رہا ہے۔ انہوں نے اس بات پر زور دیا کہ اس طرح کی شراکت داری سے پائیدار ترقی اور صنعتی ترقی میں مدد مل سکتی ہے۔
انہوں نے کہا کہ سندھ حکومت سرکاری و نجی شراکت داری کے تحت صوبے میں سرمایہ کاری کرنے کی خواہشمند غیر ملکی کمپنیوں کو ہر ممکن سہولت فراہم کرے گی۔