پی ایم این/ویب ڈیسک
گزشتہ 24 گھنٹوں کے دوران فضائی دفاعی نظام نے مجموعی طور پر سات میزائلوں کا سراغ لگایا
کویتی وزارتِ دفاع کے ترجمان کے مطابق دو میزائل احمد الجبیرایئر بیس کے احاطے میں گرے جس سے محدود نقصان ہوا اور تین فوجی زخمی ہوئے۔
ترجمان کا کہنا تھا کہ گزشتہ 24 گھنٹوں کے دوران فضائی دفاعی نظام نے مجموعی طور پر سات میزائلوں کا سراغ لگایا۔ ان میں سے تین میزائلوں کو تباہ کر دیا گیا جبکہ دو میزائل اڈے کے اطراف میں گرنے سے کچھ حصوں کو نقصان پہنچا۔
حکام کے مطابق زخمی ہونے والے تینوں فوجیوں کو معمولی زخم آئے ہیں اور انہیں طبی امداد فراہم کی جا رہی ہے۔