فائیو جی اسپیکٹرم کی کامیاب نیلامی سے ڈیجیٹل رابطوں کے شعبے میں انقلاب آئے گا:تارڑ
March 11, 2026
لاہور(پی ایم این):وزیر اطلاعات و نشریات عطا اللہ تارڑ نے کہا ہے کہ فائیو جی اسپیکٹرم کی کامیاب نیلامی سے ملک میں ڈیجیٹل رابطوں کے شعبے میں انقلاب آئے گا۔
اسلام آباد میں پاکستان ٹیلی کمیونیکیشن اتھارٹی کے زیرِ اہتمام ایک تقریب سے خطاب کرتے ہوئے انہوں نے کہا کہ نیلامی کاپوراعمل غیر معمولی شفافیت کے ساتھ منعقد ہوا۔
وفاقی وزیر نے کہا کہ فائیو جی ٹیکنالوجی کی جانب منتقلی پاکستان کے ڈیجیٹل مستقبل کیلئے ایک تاریخی دن ہے، جس سے تیز رفتار انٹرنیٹ اور مضبوط تکنیکی ڈھانچے کی راہ ہموار ہوگی۔
انہوں نے نجی شعبے کا شکریہ ادا کرتے ہوئے کہا کہ حکومتی عمل پر ان کا اعتماد ایک بڑی کامیابی ہے جو سرکاری اورنجی شعبے کے درمیان اشتراک کے ذریعے قومی معیشت کو آگے بڑھانے میں مددگار ثابت ہوگا۔