نائب وزیراعظم کی نیپال کی قیادت کو ملک میں کامیاب انتخابات کرانے پر مبارکباد
March 08, 2026
فائل فوٹو
اسلام آباد(پی ایم این): نائب وزیراعظم محمد اسحاق ڈار نے نیپال کے عوام اور قیادت کو ملک میں کامیاب انتخابات کرانے پر مبارکباد دی ہے۔
انہوں نے ایکس پر ایک پوسٹ میں کہا کہ پاکستان نیپال کے ساتھ اپنے برادرانہ تعلقات کی انتہائی قدر کرتا ہے۔
نائب وزیراعظم نے کہا کہ وہ دونوں ممالک کے درمیان لازوال دوستی مزید مستحکم کرنے کیلئے اپنے ہم منصب اور نئی حکومت کے ساتھ مل کر کام کرنے کے خواہشمند ہیں۔
انہوں نے دوطرفہ تعاون بڑھانے اور علاقائی امن و استحکام کے فروغ کیلئے نئے مواقع تلاش کرنے کی ضرورت پر بھی زور دیا۔