خواتین کو بااختیار بنانا حکومت کے وژن میں مرکزی حیثیت رکھتا ہے، وزیراعظم
March 08, 2026
فائل فوٹو
اسلام آباد(پی ایم این):وزیر اعظم محمد شہباز شریف نے کہا ہے کہ پاکستان کی ترقی کیلئے خواتین کو بااختیار بنانا حکومت کے وژن میں مرکزی حیثیت رکھتا ہے۔
انہوںنے سوشل میڈیا پلیٹ فارم ایکس پر ایک پوسٹ میں خواتین کے عالمی دن کے موقع پر پاکستان کی غیرمعمولی صلاحیتوں کی حامل خواتین کو خراج تحسین پیش کیا۔
انہوں نے مواقع بڑھانے، تعلیم تک مساوی رسائی اور معاشی شمولیت یقینی بنانے اور ایک ایسا ماحول قائم کرنے کے عزم کا اظہار کیا جہاں تمام خواتین اپنی تمام صلاحیتوں کو بروئے کار لاسکیں۔
وزیر اعظم نے کہا کہ پاکستانی خواتین ملک کے ہر شعبے میں ہنر اور عزم کے ساتھ ملک کی ترقی میں اپنا کردار ادا کر رہی ہیں۔
انہوں نے کہا کہ خواتین کی کامیابیاں ہماری قوم کا حوصلہ بلند اور ایک مضبوط اور خوشحال پاکستان کی تعمیر کیلئے ہمارے اجتماعی عزم کو مضبوط کرتی ہیں۔