ا سلام آباد(پی ایم این/ویب ڈیسک)وزیر خزانہ محمد اورنگزیب نے کہا ہے کہ حکومت ماحول دوست منصوبوں کیلئے دستیاب فنڈنگ کو متنوع بنانے کے لئے کوشاں ہے۔
انہوں نے اسلام آباد میں بریتھ پاکستان انٹرنیشنل کلائمیٹ چینج کانفرنس سے خطاب کرتے ہوئے کہا کہ حکومت پچیس کروڑ ڈالر مالیت کے پانڈا بانڈ کے اجرا کیلئے کام کر رہی ہے جو گرین بانڈ ہے۔
انہوں نے ماحولیاتی منصوبوں کیلئے عالمی بینک اور ایشیائی ترقیاتی بینک کی کثیرجہتی حمایت کا بھی تذکرہ کیا۔
انہوں نے موسمیاتی تبدیلیوں سے نمٹنے کے لیے دستیاب وسائل کے مؤثر استعمال کی ضرورت پر زور دیا۔